ម្ចាស់អាវលេខ៩ របស់វិសាខា ជាកីឡាករជម្រើសជាតិកូរ៉េខាងជើងលេចធ្លោម្នាក់
Pak Song Chol ជាខ្សែបម្រើកូរ៉េខាងជើងដែលទើបតែមកប្រកបអាជីពនៅលីគកំពូលកម្ពុជា ជាមួយក្រុមវិសាខានៅរដូវកាលនេះ។
បុរសវ័យ៣១ឆ្នាំរូបនេះ មានប្រវត្តិលេងល្អខ្លាំង ដោយធ្លាប់លេងឱ្យជម្រើសជាតិកូរ៉េខាងជើងផងដែរ ក្នុងព្រឹត្តិការណ៍ World Cup 2010 ។ កីឡាករពាក់អាវលេខ៩រូបនេះ ធ្លាប់បានបង្ហាញខ្លួនឱ្យជម្រើសជាតិបាន៥៥ប្រកួត នឹងរកគ្រាប់បាល់បាន១២ នេះបើតាមស្ថិតិរបស់ FIFA ។ ស្របពេលឆ្នាំ២០១៧កន្លងទៅ រូបគេលេងបាន៧ប្រកួតឱ្យកូរ៉េខាងជើង ប៉ុន្តែមិនអាចរកគ្រាប់បាល់បានទេ។
កីឡាករម្នាក់នេះត្រូវបានថ្នាក់ដឹកនាំវិសាខា រំពឹងថានឹងជួយក្រុមបានច្រើន ត្បិតអីរូបគេមានទម្រង់លេងល្អ និងវិន័យខ្ជាប់ខ្ជួន។ អ្វីដែលកាន់តែពិសេសទៀតនោះ គឺបានលេងជាមួយកីឡាករកូរ៉េខាងជើងដូចគ្នា ៤នាក់ទៀតដែលសុទ្ធសឹងតែមានសមត្ថភាពប្រហាក់ប្រហែលគ្នា៕
អត្ថបទ៖ មុន្នីរម្យ
Comments
Post a Comment